روحي تحبـّك غصب عنـّي تحبـّك
والمشكله حبك بروحي جرحني
و إذا شكيت تقول إش كان ذنبك
ذنبي هويتك يوم حبـّك ذبحني
ونيت من قلبي تلوعت عقبك
سلبت لي قلبي و جرحك سرقني
أقول قلبي تقول وش عاد قلبك
وإن جيت أبخفي الحب جرحك فضحني
أجيك أنا عاني أدوّر لقربك
تبعد كأن القلب ما قد عرفني
وإن رحت عنك تموج و الريح دربك
وتقول شفت اليوم قلبك تركني
يا قوّتك ترضى أجاريك لعبك
ترضى أهد الحب لو كنت تبني
إن كنت تهواني فأنا اليوم جنبك
سلمت لك أمري وحبك سكني