غاب القمر وانكسر وجه المرايا فيك..
والحزن نثر على وجهي شظاياها
والليل اصبح عذاب وحسره وتشكيك...
يرسم همومه واحاول اتحاشاها
حتى المدينه حزينه عينها تبكيك...
ويبكيك قلبي وعيني نثرت ماها
ياغايب عن عيوني خاطري يطريك...
في كل لحظه عيونك كيف بانساها
لو غبت ماغاب طيفك عني وطاريك..
كنك معي في خفايا الروح واقصاها
الله يصونك ويهنى بشوفتك غاليك..
وتقر عينه بشوفك ياهنياها
يامن سلب مهجتي هذا العنى يرضيك..
وغيبتك عنا صعيبه ماقويناها
ودي اجبر كسر وجه المرايا فيك..
واحضن همومي وابروزها بمراياها